“SHBA ka nevojë për kaos global”, Putin fajëson perëndimin për konfliktin në Lindjen e Mesme
Shtetet e Bashkuara i cilësuan si absurd pretendimet e Rusisë se mësymja e aeroportit të Dagestanit nga protestues anti-izraelitë, ishte organizuar nga Ukraina dhe perëndimi.
Në një fjalim televiziv gjatë së hënës, Presidenti Vladimir Putin tha se incidenti kishte qënë pjesë e një përpjekje për të përhapur kaosin në rusi.
Qindra vetë, me flamuj palestinezë dhe slogane anti-semitiste sulmuan të dielën aeroportin e Dagesatanit në kërkim të pasagjerëve të mbërritur nga Tel Avivi.
“Ngjarjet në Makhaçkala u nxitën përmes rrjeteve sociale nga Ukraina dhe nga duart e agjentëve të shërbimeve speciale perëndimore.”, tha presidenti rus, Vladimir Putin.
I pyetur mbi pretendimet e Rusisë, zëdhënësi i Këshillit të Sigurisë Kombëtare në SHBA, Johns Kirby i cilësoi ato si retorikë klasike ruse.
“Kur diçka shkon keq në vendin tënd, fajëso dikë tjetër.”, ishin fjalët e tij.
Gjatë fjalimit të së hënës presidenti putin fajësoi gjithashtu perëndimin për krizën në Lindjen e Mesme duke thënë se elitat drejtuese në SHBA dhe satelitet e tyre qëndrojnë pas vrasjes së palestinezëve në gaza, e po ashtu pas konflikteve në Ukrainë, Afganistan, Irak dhe Siri.
“Ne duhet të kuptojmë qartësisht se kush qëndron vërtet pas tragjedisë së njerëzve në Lindjen e Mesme dhe rajone të tjera të botës; se kush e organizon kaosin vdekjeprurës dhe kush përfiton prej tij. SHBA dhe satelitët e vet janë përfituesit kryesorë të destabilitetit global.”, u shpreh më tej Putin.
Rusia mbështet armëpushim të menjëhershëm në Gaza dhe zgjidhjen dy shteteve. Ajo ka zemëruar gjithashtu Izraelin, pasi priti një delegacion të Hamasit në Moskë. /A2Cnn
Leverkuseni ‘demolon’ Feyenoordin në Ligën e Kampionëve
Monaco-Barcelona, formacionet zyrtare
Gjimshti starton ndaj Arsenalit, këto janë formacionet zyrta...
Lëndohen 2 persona nga shpërthimi i një bombole gazi në një ...
Borrel dënon sulmet vdekjeprurëse në Liban: Qëllimi ishte pë...
Arrestohen 22 punonjës e ish-punonjës të Policisë Rrugore, r...