SHBA i dhuron Afganistanit tre milionë vaksina

10:23 | 25 Qershor 2021
S D

Shtëpia e Bardhë njoftoi se do t’i dhurojë Afganistanit tre milionë doza të vaksinës Johnson&Johnson kundër koronavirusit.

Zëdhënësja e Shtëpisë së Bardhë, Karine Jean-Pierre, tha se dozat do të dërgohen javën e ardhshme, së bashku me oksigjen dhe furnizime të tjera.

Njoftimi u bë pak kohë përpara se presidenti amerikan, Joe Biden, të presë sot në Uashington udhëheqësit e Afganistanit, me të cilët pritet të diskutojë për tërheqjen e trupave të huaja nga ky vend.

Tre milionë dozat janë pjesë e një kontingjenti prej 55 milionë sosh, që Shtetet e Bashkuara kanë njoftuar këtë javë se do t’i dhurojnë në vende të ndryshme të botës.

Nga vendet e Ballkanit do të përfitojnë Kosova dhe Bosnje e Hercegovina.

Koronavirusi ka prekur mbi 180 milionë njerëz në të gjithë botën.

Prej tyre, 3.9 milionë kanë vdekur.

Në të gjithë botën, deri më tash, janë dhënë mbi 2.7 miliardë vaksina./REL/

Shpërndaje në rrjete sociale

Lajmet më të lexuara

Të ngjashme

Foto lajm