ShBA hap kufirin me Kanadanë dhe Meksikën vetëm për udhëtarët e vaksinuar

08:33 | 13 Tetor 2021
A. B.

Nga muaji nëntor, Shtetet e Bashkuara të Amerikës (ShBA) do të rihapin kufijtë me Meksikën dhe Kanadanë për udhëtarët e vaksinuar plotësisht.

Në një deklaratë, Departamenti i Sigurisë Kombëtare (DHS) tha se do të lejojë udhëtimin për qëllime jo thelbësore përmes kalimeve tokësore dhe trageteve, shkruan bbc transmeton arbresh.info

Nga janari 2022, do të kërkojë gjithashtu dëshmi të vaksinimit për çdo udhëtim mbi këto vendkalime, thelbësor ose jo. ShBA ka kufizuar udhëtimet nga fqinjët e saj veriorë dhe jugorë që nga marsi i vitit 2020, për shkak të pandemisë Covid-19.

Por administrata e presidentit Joe Biden deklaroi se kufizimet për udhëtarët e vaksinuar plotësisht do të lehtësoheshin në nëntor.

Rregullat aktuale ndalojnë hyrjen për shumicën e qytetarëve jo-amerikanë që kanë qenë në Mbretërinë e Bashkuar, Kinë, Indi, Afrikën e Jugut, Iran, Brazil dhe një numër vendesh evropiane brenda 14 ditëve të fundit. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm