SHBA e gatshme të finalizojë marrëveshjen e armëve bërthamore me Rusinë

21:02 | 20 Tetor 2020
Arbresh.info

Departamenti i Shtetit i SHBA-ve ka bërë të ditur se është e gatshme të finalizojë një marrëveshje me Rusinë në lidhje me kontrollin e armëve bërthamore, transmeton Anadolu Agency (AA).

“SHBA është e gatshme të takohet menjëherë për të finalizuar një marrëveshje të verifikueshme. Ne e vlerësojmë gatishmërinë e Federatës Ruse për të bërë përparim në çështjen e kontrollit të armëve bërthamore. Presim që Rusia t’i autorizojë diplomatët e saj të bëjnë të njëjtën gjë”, tha Morgan Ortagus, zëdhënëse e Departamentit të Shtetit.

Më herët, Kremlini tha se është e gatshme të pranojë një propozim të SHBA-ve për të zgjatur për një vit marrëveshjen e fundit të kontrollit të armëve midis Moskës dhe Uashingtonit.

Traktati i parë i Reduktimit të Armëve Strategjike (START), i nënshkruar në vitin 1991 midis SHBA-ve dhe BRSS-së, hyri në fuqi në vitin 1994.

Shpërndaje në rrjete sociale

Lajmet më të lexuara

Të ngjashme

Foto lajm