Shtetet e Bashkuara kanë bllokuar miratimin e deklaratës së Këshillit të Sigurimit të OKB-së që ka bërë thirrje për një “hetim të pavarur dhe transparent” të vrasjes së protestuesve palestinezë në Gaza.
Deklarata, e përpiluar nga Kuvajti para takimit të së martës, shpreh “zemërim dhe dhimbje” për vdekjen e të paktën 58 personave gjatë demonstratave për hapjen e ambasadës amerikane në Jerusalem, transmeton portali arbresh.info.
Në po këtë dokument, kërkohej gjithashtu që të gjitha vendet të përputheshin me një rezolutë të para 10 vjetëve të Këshillit të Sigurimit, duke u bërë thirrje atyre të mos vendosnin misionet diplomatike në qytetin e shenjtë të kundërshtuar.
Një delegacion i SHBA, përfshirë vajzën e Donald Trump dhe dhëndrin Jared Kushner ndoqën ceremoninë e inaugurimit të ambasadës të hënën, duke premtuar përkushtim ndaj “paqes së qëndrueshme”, pasi dhjetëra palestinezë u vranë 50 milje larg në ditën më të përgjakshme të rajonit që nga lufta e vitit 2014 në Gaza.
Më shumë se 1.200 njerëz u plagosën kur trupat izraelite gjuajtën me municion dhe gaz lotsjellës kundër demonstruesve./Arbresh.info/
Romeo Veshaj po rikthehet pas shumë kohësh me këngë të re
Zelensky shpalos “planin e fitores” gjatë takimi...
Hamza nuk vendos vija të kuqe: Koalicioni me LDK-në më i pre...
Kusari-Lila tregon si ndodhi biseda me Milan Radoiçiqin
Hoxha takoi kryetarin e Prezencës së OSBE-së, flasin për pro...
“Imagjino kur të bëjmë të dytin” – Kiara Tito flet për rapor...