Presidenti i Shteteve të Bashkuara, Donald Trump, dhe presidenti i Komisionit Evropian, Jean-Claude Juncker, u pajtuan për një plan që synon reduktimin e tensioneve tregtare midis BE-së dhe SHBA-së.
Dy zyrtarët u takuan për më shumë se dy orë në Shtëpinë e Bardhë përpara se të bënin publike marrëveshjen, e cila nga ministri gjerman i Ekonomisë, Peter Altmaier, u përshkrua si “përparim i madh që mund të shmangë luftën tregtare dhe të shpëtojë miliona vende pune”.
Me këtë marrëveshje, Shtetet e Bashkuara nuk do të vazhdojnë me planet për vënien e tarifave mbi prodhuesit evropianë të makinave dhe dy palët do të punojnë për të zgjidhur çështjen e tarifave amerikane mbi çelikun dhe aluminin.
Bashkimi Evropian, ndërkaq, u zotua për blerjen e fasuleve dhe të gazit natyror nga SHBA-ja.
Trump u tha gazetarëve se dy palët janë pajtuar për të nisur një “fazë të re” të marrëdhënieve dhe për të punuar së bashku drejt “zero tarifave dhe zero barrierave”.
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
![Google ADS](https://www.arbresh.info/wp-content/uploads/2024/12/b_728-90-e1734444913289.jpg")
