Shanghai po i kthen  ndërtesat e banimit në qendra karantine për të strehuar një numër në rritje të rasteve me koronavirus.

Kjo masë e fundit ka ngjallur zemërim dhe protesta tek banorët përreth ndërtesave, të cilët thonë se po vihen në rrezik për shkak të përhapjes së infeksionit, transmeton portal arebresh.info

Në një incident të transmetuar drejtpërdrejt të enjten pasdite në platformën kineze të mesazheve WeChat, rreth 30 persona të veshur me kostume hazmat me fjalën “polici” në shpinë, janë parë duke u përleshur me policinë në një kompleks banimi.

Grupi Zhangjiang, i cili zotëron kompleksin, tha se autoritetet kishin konvertuar pesë nga ndërtesat e banimit në objekte izolimi, ndërsa është thënë se edhe ndërtesat tjera përreth do të konvertohen.

Rreth 39 qiramarrës janë zhvendosur në pjesë të tjera të kompleksit dhe atyre u është ofruar kompensim.

Shanghai është bërë epiqendra e shpërthimit më të madh të koronavirusit në Kinë që kur virusi u identifikua për herë të parë në Wuhan në fund të vitit 2019.

Mbi 300 mijë raste me Covid janë identifikuar që nga muaji mars.

Qyteti ka filluar të konvertojë shkollat, blloqet e apartamenteve dhe sallat e ekspozitës në qendra karantine dhe njoftoi javën e kaluar se kishte ngritur më shumë se 160,000 shtretër në më shumë se 100 spitale me turne.

Sipas rregulloreve, autoritetet në Kinë lejohen të marrin ndërtesa dhe prona të tjera në mënyrë që të merren me situata emergjente./Reuters/arbresh.info/

https://twitter.com/Reuters/status/1515090086202773506