Një studente kolegji në Arabinë Saudite mori timonin e minibusit pasi shoferi pësoi goditje në tru.
Veprimet e të resë, me të cilat shkeli ndalesën në vend, ndihmoi të shpëtohet jeta e burrit, transmeton portali arbresh.info.
Ashwaq Al-Shammari ishe duke u dërguar në shtëpi së bashku me katër studente të tjera në afërsi të qytetit Hail në Arabinë Saudite, njofton Saudi Gazette.
Në mes të udhëtimit të tyre, shoferi u tha udhëtarëve që ndihej i trullosur dhe ndaloi automjetin. Ai pastaj ra pa vetëdije.
Të bllokuara në mes të rrugës, disa nga vajzat u përpoqën të kthjellnin shoferin, ndërsa Ashwaq vendosi që ishte koha për të kujtuar aftësitë ngasëse që ajo kishte mësuar në fermën e babait të saj.
Ajo mori timonin e minibusit, e ngau deri tek një dyqan pranë për të marrë ujë për shoferin. Kur as kjo nuk ndihmoi, ajo vazhdoi për në shtëpinë e tij.
Nga atje, familja e shoferit mori përgjegjësinë, duke e çuar atë në një spital qeveritar rreth 50 km larg. Ai u diagnostikua me një goditje të trurit, por u shpëtua për shkak të ndërhyrjes së shpejtë të vajzave, tha gazeta.
Mbretëria Saudite duket të jetë i vetmi vend në botë ku vozitja e grave është e ndaluar./Arbresh.info
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...
Një person në Shtime lëndohet me burgi derisa po punonte në ...