Seul, dorëhiqet ministri i Drejtësisë i akuzuar për korrupsion

16:54 | 14 Tetor 2019
Arbresh.info

Ministri i Drejtësisë i Koresë së Jugut, Cho Kuk dha dorëheqjen për shkak të një skandali për korrupsion, vetëm një muaj pas emërimit.

Opozita e akuzoi atë për sjellje të pahijshme, ndërsa familja e tij po hetohet me akuza për transaksione financiare të dyshimta.

Cho, 54 vjeç, tha në një deklaratë se ai do të japë dorëheqjen për të mos qenë barrë për presidentin Moon Jae In, i cili e kishte emëruar atë në shtator.

Moon e pranoi dorëheqjen e tij.

Javën e kaluar, dhjetëra mijëra protestues dolën në rrugë për të kërkuar shkarkimin e Cho.

Protestuesit gjithashtu kërkuan edhe dorëheqjen e Moon./atsh/

Shpërndaje në rrjete sociale

Lajmet më të lexuara

Të ngjashme

Foto lajm