Serbia dyshohet se e ka furnizuar me armë Rusinë, deputetja britanike Kearns: Britania duhet t’ia suspendojë licencën e armëve

16:47 | 12 Korrik 2023
E.H

Deputetja britanike, Alicia Kearns ka reaguar pas lajmeve se Serbia po furnizon me armë Rusinë.

Firma shtetërore serbe e armëve, Yugoimport dyshohet se ka dërguar municion belg në Rusi, duke e ndihmuar Kremlinin t’i shmang sanksionet e vendeve perëndimore.

Pas raportimit, autoritetet belge kanë vendosur të pezullojnë licencat për Serbinë, transmeton Telegrafi.

“Mbretëria e Bashkuar duhet gjithashtu të pezullojë licencat e armëve për Serbinë duke përdorur frenën që kemi ndërtuar në eksportet e mbrojtjes për të lejuar një hetim të menjëhershëm të pajisjeve britanike”, deklaroi ajo.

Ajo kujton se këtë thirrje të ngjashme e ka bërë disa muaj më parë pas “shqetësimeve rreth keqpërdorimit të mundshëm të eksporteve të mbrojtjes”, tha kryetarja e Komisionit për politikë të Jashtme të parlamentit britanik.

Ndryshe, Kearns disa herë ka dënuar politikat e shtetit serb në raport me pushtimin rus në Ukrainë.

Shpërndaje në rrjete sociale

Lajmet më të lexuara

Të ngjashme

Foto lajm