“Më duhet të zbuloj se çfarë ka ndodhur. Dhe ne ndoshta po i afrohemi të vërtetës më shumë sesa mund të mendoni”. Kështu u shpreh presidenti i Shteteve të Bashkuara të Amerikës, i pyetur nga Fox News në lidhje me zhdukjen e gazetarit saudit Jamal Khashoggi. Gazetari njihej si një kritik i fortë i politikave arabe.
Gazetari shkoi në konsullatën e Arabisë Saudite në Stamboll. Ai shkoi për të marrë një certifikatë, por nuk doli më kurrë nga godina. Të paktën sipas deklaratës së të fejuarës së tij, turkes Hatice Cengiz.
Ankaraja ka drejtuar gishtin nga Arabia Saudite. Të cilën e akuzon për zhdukjen dhe ndoshta edhe vrasjen e gazetarit, që kishte azil politik në Turqi. Ndërsa edhe Kryetari i Komitetit për Marrëdhëniet me jashtë në Senatin Amerikan, ka reaguar ashpër për këtë çështje.
Bob Corker tha se nëse do të rezultojë e vërtetë që pas zhdukjes dhe vrasjes së gazetarit Jamal Kashioggi qëndron Arabia Saudite, kjo e fundit do të duhet të përgatitet të përballet me sanksionet më të forta të aplikuara ndonjëherë.
“Nëse rezulton të jetë e saktë ajo që ne të gjithë mendojmë se është sot, por nuk e dimë ende ekzaktësisht pra që Arabia Saudite fshihet pas zhdukjes së gazetarit. Atëherë duhet të ketë sanksione të vendosura në nivelet më të larta.”, tha senatori republikan Bob Corker.
Neuer pyetet nëse do të rikthehet nga pensionimi pas lëndimi...
Policia shqiptoi 1 mijë e 807 gjoba trafiku brenda 24 orëve
Një arkatare e një marketi në Prishtinë raporton 200 euro të...
Arrestohen dy persona në Prishtinë, dyshohet se sulmuan një ...
Arrestohet punëtorja e një kompanie të sigurimit në Prishtin...
Babai në Viti e lajmëron të zhdukur vajzën e tij të mitur