Senatori amerikan, Grassley infektohet me koronavirus

09:08 | 18 Nëntor 2020
Arditë Shkodra

Senatori amerikan, Chuck Grassley, i cili është i treti në linjën e trashëgimisë presidenciale ka njoftuar se ai ka rezultuar pozitiv në testin për koronavirus.

87 vjeçari Grassley, njoftoi se ishte në vetëizolim pasi ishte ekspozuar ndaj virusit dhe ishte në pritje të rezultatit të testit. Të martën në mbrëmje, ai tha në një postim në Tëitter se kishte dalë pozitiv.

“Unë kam rezultuar pozitiv në testin për koronavirus”, shkroi Grassley në Twitter. “Unë do të ndjek urdhëzimet e mjekëve të mi / udhëzimet e CDC (Qendrës për Kontrollin e Sëmundjeve) dhe do të vazhdoj të jem në vetëizolim. Ndihem mirë dhe nga shtëpia do të vazhdoj punën time për banorët e Ajovës”.

Grassley tha se ai pret që së shpejti t’i rikthehet normalitetit.

Republikani i Ajovës, i cili ishte në Senat dhe votoi të hënën, nuk dha hollësi mbi mënyrën se si u ekspozua ndaj koronavirusit.

Shpërndaje në rrjete sociale

Lajmet më të lexuara

Të ngjashme

Foto lajm