Sekuestrohen 22 tonë drogë në Ekuador

13:06 | 23 Janar 2024
K.B

Kapet një sasi rekord droge në Ekuador. Policia ka sekuestruar 22 tonë kokainë, që përbën një nga konfiskimet më të mëdha të drogës në vendin e Amerikës Latine.

Në një deklaratë të lëshuar nga ushtria thuhet se lënda narkotike, e cila ishte e shpërndarë në 733 pako do të transportohej në Azi, Evropë dhe Amerikë.

Në rrjetet sociale autoritetet ekuadoriane postuan këtë video, e cila tregon pako të mbështjella me qese plastike, disa prej të cilave kishin etiketa që mbanin emrat e disa linjave ajrore.

Kapja e kësaj sasie rekord të lëndës narkotike vjen në një kohë kur vendi u zhyt në kaos pas arratisjes nga burgu të kryetrafikantit famëkeq të drogës, Adolfo Masias Vilamar. Qeveria e Ekuadorit fajëson bandat e fuqishme të trafikut të kokainës për dhunën në rritje./Klan News

Shpërndaje në rrjete sociale

Lajmet më të lexuara

Të ngjashme

Foto lajm