Sektori privat gjerman ka shënuar ngritjen më të madhe në mars në gjashtë jetët e fundit, tregojnë të dhënat e indeksit Markit PMI.
Ky indikator, i cili mat më shumë se dy të tretat e aktivitetit në ekonomi, është rritur muajin e fundit në 57,0 nga 56,1 pikë sa ishte një muaj më herët. PMI në mars është shkalla më e lartë e këtij indikatori në 70 muajt e fundit.
Ekonomia e aktivitetit të prodhuesve është rritur në shkallën më të lartë në 71 muajt e fundit, derisa sektori i shërbimeve ka shënuar rritjen më të shpejtë në 15 muajt e fundit. Në nivel të eurozonës, PMI ka arritur 56,7 poenë nga 56,0 nga muaji shkurt, që është vlera e tij më e lartë që nga prilli i vitit 2011.
Analistët vlerësojnë se në bazë të të dhënave të PMI, rritja ekonomike në eurozonë do të përshpejtohet në tremujorin e parë dhe do të arrijë nivelin prej 0,6%, në vend të 0,5% sa ishte prognozuar më herët.
Markit thekson se kompanitë e ekonomisë më të fuqishme të eurozonës, Gjermanisë, janë përgjigjur ndaj kërkesave të shtuara për punësim më të madh, të cilat kishin arritur nivelin rekord para gjashtë vjetësh.
Presionet e inflacionit janë rritur, ndërsa çmimet e larta të çelikut dhe naftës, si dhe dollari i fortë, ishin burim kryesor për shpenzime më të larta, të cilat pjesërisht janë bartur edhe deri te çmimet e përgjithshme.
Inflacioni në Gjermani, në muajin shkurt ishte ngritur në 2,2% nga 1,9% sa ishte një muaj më herët, para se gjithash si rezultat i ngritjes së çmimeve të ushqimit dhe energjisë, derisa në nivel vjetor pritet të arrijnë në 2,1%
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...