Sekretari amerikan i Mbrojtjes Lloyd Austin dhe homologu i tij kinez Dong Jun zhvilluan sot bisedime kokë më kokë në margjinat e një forumi sigurie ku pritej të dominonin diskutimet mosmarrëveshjet rajonale, kryesisht mbi Tajvanin.
Ky takim i parë që nga viti 2022 mes ministrave të mbrojtjes të SHBA-së dhe Kinës zgjati rreth një orë.
Sipas Pentagonit, gjatë takimit, Austin shprehu shqetësimet për aktivitetin ushtarak të Kinës.
“Ministri shprehu shqetësimin për aktivitetin provokues të fundit të forcave të armatosura kineze rreth ngushticës së Tajvanit dhe përsëriti se Republika Popullore e Kinës nuk duhet të përdorë tranzicionin politik të Tajvanit, pjesë e një procesi demokratik normal dhe rutinë, si pretekst për presion”, tha Patrick Ryder në një deklaratë pas takimit.
Një zëdhënës kinez tha nga ana e tij se ministri i Mbrojtjes Dong Jun dhe homologu i tij amerikan patën një takim konstruktiv sot në Singapor, gjatë të cilit diskutuan për Tajvanin, luftën midis Rusisë dhe Ukrainës dhe konfliktin në Gaza.
Dong paralajmëroi Austin se Shtetet e Bashkuara nuk duhet të ndërhyjnë në punët e Kinës me Tajvanin, u tha gazetarëve zëdhënësi i Ministrisë kineze të Mbrojtjes, Wu Qian./abcnews.al
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...