Gjermania ka ndërmarrë hapin e parë vendimtar drejt formimit të qeverisë së re.
Bëhet fjalë për konservatorin dhe ish ministrin e financave Wolfgang Schaeuble i cili ka pranuar të jetë kryetar i parlamentit, për t’i hapur rrugën partive të tjera për ta marrë vendin e tij, transmeton portali arbresh.info
Kancelarja gjermane Angela Merkl do të shpresojë që Schaeuble, i cili respektohet shumë në Gjermani, të ndihmojë eurozonën në krizën e borxheve dhe të përdor autoritetin në Bundestagun e ndarë nëpër fraksione.
Merkel duhet të bëjë bashkë një koalicion me tri parti, hera e parë që nga vitet 1950, pasi partia e saj humbi mbështetjen e gjerë, ndërsa partia anti-emigrantë AfD hyri në parlament.
Schaeuble, 75 vjeç, i cili u shfaq si një nga politikanët më me ndikim të Evropës gjatë krizës së euros, do të sillte peshë të paprecedentë për rolin e presidentit të Bundestagut, normalisht një pozitë të profilit të ulët.
Gatishmëria e tij për t’u larguar si ministër i financave pas tetë vjetësh në post, e bën më të lehtë për Demokratët e Lirë (FDP) për t’u bashkuar me një koalicion të udhëhequr nga Merkel./arbresh.info/
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...