Sanksionet e fundit të Kombeve të Bashkuara, Koreja e Veriut i cilësoi si “akt lufte” dhe si ekuivalentin e një “bllokade të plotë ekonomike”.
Këshilli i Sigurimit të OKB-së vendosi të premten masa të reja shtrënguese, si përgjigje ndaj testeve raketore balistike që Peniani vazhdon me kokëfortësi të realizojë.
Rezoluta e hartuar nga Shtetet e Bashkuara dhe e mbështetur unanimisht nga të gjithë anëtarët e tjerë të Këshillit përfshin shkurtimin e importeve koreano-veriore të naftës deri në masën 90%.
Vendi është tashmë subjekt i një serie sanksionesh të vendosura nga Amerika, OKB-ja dhe Bashkimi Europian. Por pavarësisht të gjithave, Peniani vazhdon të mbetet sfidues.
Shtetet e Bashkuara, – sipas tij, – janë të tmerruara nga arritjet e jashtëzakonshme të Koresë së Veriut në drejtim të zhvillimit të forcës së saj bërthamore, ndaj dhe lëvizjet e administratës amerikane për të shtuar presionin mbi Penianin po bëhen gjithmonë e më të tërbuara.
“Por ne do ta konsolidojmë edhe më shumë veprimtarinë tonë nukleare vetëmbrojtëse, që synon çrrënjosjen e kërcënimeve atomike të Uashingtonit, shantazheve dhe lëvizjeve armiqësore të tij, për të krijuar kështu një barazpeshë praktike force me Amerikën”, thuhet në deklaratë.
Uashingtoni këmbëngul se është duke kërkuar një zgjidhje diplomatike të krizës, e për këtë arsye vendosi të hartonte këtë raund të ri e të ashpër sanksionesh.
Pronari i Romës e blen klubin e Evertonit
Njëvjetori i rënies së Afrim Bunjakut, Kurti nesër vizitë te...
Rusia fut ndëshkimin për “rusofobinë” në Kodin e saj Penal
Krijimi i shtetit Bektashi brenda vendit, Rama: Thesar për p...
Rama: “Sofra e vjetër” në Tragjas të Vlorës me p...
Hoxha takon shefin e Zyrës së BE-së në Kosovë, e njofton për...