Salvini: Policët që vranë shqiptarin meritojnë medalje

07:08 | 6 Tetor 2018
Arbresh.info

Një ditë pas vrasjes me plumb në kokë të një shqiptari, zëvendëskryeministri dhe njëkohësisht ministri i Brendshëm italian, Matteo Salvini ka thënë se policët e këtij akti meritojnë medalje.

Gjatë ditës së djeshme një shqiptar është vrarë derisa ka tentuar të arratiset pas një grabitje të një dyqani në Itali, ndërsa dy personat e tjerë të përfshirë në grabitje kanë arritur që t’i shpëtojnë policisë.

Edhe pse prokuroria italiane ka hapur hetimet për të vërtetuar nëse në këtë rast janë tejkaluar kompetencat, ministri i Brendshëm italian ka dhënë gjykimin e tij. Ministri Matteo Salvini, në një shkrim në rrjetin social Twitter ka thënë se policët e këtij akti meritojnë medalje.

“Karabinierët dhe roja e sigurisë, që rrezikuan jetën e tyre, bënë vetëm detyrën e tyre: nuk meritojnë një hetim, por një medalje”, ka shkruar ai. Tashmë është bërë i ditur identiteti i personit të vrarë. Ai është shqiptari 50- vjeçar, Eduart Kozi.

Shpërndaje në rrjete sociale

Lajmet më të lexuara

Të ngjashme

Foto lajm