Mbi 40 anije luftarake dhe më shumë se 4.000 marinarë morën pjesë në një paradë spektakolare, të organizuar për të kremtuar Ditën e Marinës në Shën Petersburg të Rusisë. Në ceremoni mori pjesë edhe presidenti Vladimir Putin, si për të treguar forcën e shtetit që ai drejton.
Evenimente të ngjashme të flotës gjithashtu u zhvilluan në qytetet kryesore portale në të gjithë Rusinë.
Anijet që përfaqësojnë të gjitha flotat e Marinës Ruse u ankoruan në lumin Neva në Shën Petersburg, ku një paradë masive detare u zhvillua të dielën për të përkujtuar mbi tre shekuj të historisë. Putin ishte në ngjarjen e Shën Petersburg, ku inspektoi anijet luftarake si dhe marinarët e rreshtuar përgjatë bregut.
“Ushtria ruse ruan me sukses sigurinë e vendit tonë, kontribuon në luftën kundër terrorizmit ndërkombëtar dhe luan rol jetësor në ruajtjen e barazisë strategjike”, u tha ai trupave në një fjalim.
Ai tha se e gjithë historia e Marinës “ka të bëjë me guximin, vlerën dhe shpirtin e detarëve”.
I rrethuar nga ministri i mbrojtjes Sergej Shoigu dhe Admiral i Flotës Detare, Vladimir Korolev, Putin shtoi: “Ne jemi krenarë për Marinën tonë, standardin e tyre më të lartë të gatishmërisë, aftësitë e tyre, si dhe forcën dhe bukurinë e tyre”.
Në Shën Petersburg kishte rreth 40 anije luftarake nga flotilet e Balltikut, Veriut dhe Detit të Zi, si dhe flotilja e Detit Kaspik, duke përfshirë edhe fregatën më të re të Rusisë, Admiral Gorshkov, një korvetë të klasës Steregushchiy, një nëndetëse diesel-elektrike, vepra artizanale, anije ulëse dhe anije ndihmëse.
Shënohet 25-vjetori i bashkëpunimit mes Kosovës dhe Gjermani...
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...