Rusia hodhi veton e saj të 13-të të enjten në Këshillin e Sigurimit të OKB-së mbi konfliktin sirian, duke bllokuar një kërkesë për armëpushim në veri-perëndim të Sirisë, sepse nuk përfshin një përjashtim për sulmet ushtarake kundër grupeve të militantëve në listë të zezë.

Kina mbështeti Rusinë duke bllokuar gjithashtu tekstin, të hartuar nga Kuvajti, Belgjika dhe Gjermania. Ishte vetoja e shtatë e Pekinit për konfliktin sirian. Guineja Ekuatoriale abstenoi dhe 12 anëtarët e tjerë të këshillit votuan pro.

Rusia dhe Kina më pas paraqitën projekt-rezolutën e tyre duke kërkuar një armëpushim në veri-perëndim të Sirisë – me një përjashtim – por ajo nuk arriti të marrë vota të mjaftueshme, transmeton portali arbresh.info.

Vetëm Rusia dhe Kina votuan në favor të tekstit të tyre. Nëntë anëtarë votuan kundër dhe Afrika e Jugut, Indonezia, Bregu i Fildishtë dhe Guineja Ekuatoriale abstenuan.

Një rezolutë ka nevojë për nëntë vota dhe asnjë veto nga Rusia, Kina, Franca, Britania apo Shtetet e Bashkuara për të kaluar.

Shtetet perëndimore kanë akuzuar forcat ruse dhe siriane për shënjestër të civilëve në veri-perëndim të Sirisë, një akuzë që ata e mohojnë. Ata thonë se po synojnë militantët.

Ambasadori rus në OKB Vassily Nebenzia i tha këshillit para votave se ai besonte se “objektivi i vërtetë” i projekt-rezolutës nga Gjermania, Kuvajti dhe Belgjika ishte “për të shpëtuar terroristët ndërkombëtarë që janë futur në Idlib nga humbja e tyre e fundit”./arbresh.info/