Rusia premton t’i dal në ndihmë Venezuelës

23:20 | 19 Maj 2017
Trina Galanxhi

Rusia ka premtuar se do të dërgojë mijëra ton me grurë në Venezuelë në baza mujore, potencialisht duke ndihmuar në lehtësimin e krizës së ushqimit të vendit të trazuar të Amerikës Jugore.

Në një bisedë telefonike, Presidenti Vladimir Putin i tha homologut të tij, Nicolas Maduros, se Rusia është e gatshme të fillojë të dhurojë ushqim dhe të forcojë lidhjet tregtare, transmeton portali arbresh.info

Zyra e Putinit e ka konfirmuar bisedën, por nuk ka dhënë detaje mbi marrëveshjet tregtare. Gjesti i mbështetjes për administratën Maduro vjen në një moment kyç.

Qeveritë rajonale po distancohe nga Presidenti socialist, të cili i është bërë thirrje që të respektojë normat demokratike, pasi mijëra qytetarë të Venezuelës vazhdojnë të kërkojnë zgjedhjen e krizës përmes protestave./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm