Ministria e Mbrojtjes së Rusisë tha të hënën se ka ngritur në ajër një avion të saj luftarak për të parandaluar avionët patrullues të Francës dhe Gjermanisë që të hynin në hapësirën e saj ajrore mbi Detin Baltik.
Rusia tha detektoi avionët gjermanë dhe francezë, që sipas saj, ishin nisur drejt territorit rus.
Moska tha se fluturimet u kryen nga një avion patrullues gjerman i llojit P-3C dhe ai francez, Atlantic-2.
Sipas Ministrisë ruse të Mbrojtjes, pas ngritjes në ajër të avionit rus Su-27, avionët e Gjermanisë dhe Francës u larguan. Më pas, avioni rus u kthye në bazë, tha ministria.
Ky njoftim i palës ruse nuk ka mundur të konfirmohet në mënyrë të pavarur.
“Dy shënjestra ajrore u detektuan teksa po i afroheshin kufirit shtetëror të Rusisë. Në mënyrë që të identifikoheshin dhe për të parandaluar që të shkelej kufiri shtetëror rus, një avion Su-27 nga flota ajrore e Baltikut u ngrit në ajër”, tha Ministria ruse e Mbrojtjes./REL
Olmo realizon golin e parë në Ligën e Kampionëve me Barcelon...
Rriten çmimet e vezëve, SHBA ka mungesë para festave
Si t’i manifestojmë gjërat pozitive në jetë?
Në këto vende është e ndaluar të vozitësh me xhaketë apo pal...
Pritet rritje e madhe e shitjeve të veturave elektrike
Ky lajm do t’i gëzojë fansat e PlayStation
Skip to content
![Google ADS](https://www.arbresh.info/wp-content/uploads/2024/11/bannerat-bf-kujtesa_728-90-e1732276766901.jpg")
