Rusia nis fushatë për lirimin e Maria Butinës

10:54 | 20 Korrik 2018
A. B.

Ministria e Jashtme e Rusisë nisi një fushatë në Twitter, që bën thirrje për lirimin e Maria Butinës, një grua ruse, që ka krijuar lidhje me politikanët konservatorë në SHBA.

Butina, 29 vjeçe, u arrestua nga FBI-ja dhe u akuzua këtë javë për komplote dhe veprime si agjente e huaj.

Ajo dyshohet se ka bërë përpjekje për të infiltruar grupet politike në SHBA, përfshirë Shoqatën e fuqishme Kombëtare të Pushkëve, me qëllim avancimin e interesave rusë.

Butina po mbahet në një burg në Uashington.

Ministria e Jashtme ruse shpërndau në Twitter frazën “Lirojeni Maria Butinën”, vuri në profil fotografinë e saj dhe kërkoi nga mbështetësit e Butinës ta bëjnë të njëjtën në mediat sociale.

https://twitter.com/MID_RF/status/1020021126301454341?ref_src=twsrc%5Etfw%7Ctwcamp%5Etweetembed%7Ctwterm%5E1020022529820372993&ref_url=https%3A%2F%2Fwww.vox.com%2Fworld%2F2018%2F7%2F19%2F17592754%2Frussia-maria-butina-spy-twitter-nra

 

 

 

Shpërndaje në rrjete sociale

Lajmet më të lexuara

Të ngjashme

Foto lajm