Përveç Gjermanisë, Franca po përgatitet  për kalimin në një regjim emergjence energjetike.

Pas kancelarit gjerman Olaf Scholz i cili foli për luftën ruse energjetike teksa tha se Moska po përdor gazin natyror si armë, dhe ministri francez i financave Bruno Le Maire dha sot kambanën e alarmit për sigurinë energjetike të Evropës dhe Francës.

Le Maire tha në mënyrë karakteristike se qeveria franceze tani po përgatitet për një ndërprerje të plotë të furnizimit me gaz natyror rus dhe se ky është skenari më i mundshëm në planifikimin e saj në të ardhmen.

Me rreth 17 për qind të furnizimit të saj që vjen nga Rusia, Franca është më pak e varur nga gazi rus sesa disa nga fqinjët e saj, por Parisi po përgatit plane emergjente.

Megjithatë, ndërprerja pritet të krijojë probleme të konsiderueshme edhe në Francë, sepse prodhimi i energjisë bërthamore nuk është i mjaftueshëm për të mbuluar hendekun, pasi shumë reaktorë janë aktualisht në funksion të mirëmbajtjes.

“Unë mendoj se një ndërprerje e plotë e furnizimeve me gaz rus është një mundësi reale… dhe ne duhet të përgatitemi për atë skenar”, tha Lemaire në pritje të fillimit të një konference biznesi dhe ekonomike në Francën jugore.

“Do të ishte krejtësisht e papërgjegjshme të injorohej ky skenar”, vuri në dukje ai dhe u bëri thirrje familjeve dhe bizneseve të reduktojnë konsumin e energjisë./sotnews/