Rusia kërcënon ShBA-në se do t’ia godasë mjetet luftarake që po i dërgon në Ukrainë

18:09 | 12 Mars 2022
S D

Zëvendësministri i Jashtëm rus Sergei Ryabkov paralajmëroi Shtetet e Bashkuara për pasojat e mundshme të transferimit të armëve në Ukrainë, duke thënë se autokolonat me armë të huaja do të ishin “shënjestra legjitime”, raporton CNN, transmeton arbresh.info.

Ryabkov i bëri këto komente të shtunën në kanalin shtetëror, Channel One, sipas agjencisë shtetërore ruse të lajmeve RIA Novosti.

“Ne paralajmëruam Shtetet e Bashkuara se furnizimi i Ukrainës me armë nga një numër vendesh në formë orkestrimi prej tyre nuk është vetëm një lëvizje e rrezikshme, por këto janë veprime që i kthejnë autokolonat përkatëse në objektiva legjitime”, shtoi ai.

Mediumi amerikan ka raportuar se SHBA-ja ka tërhequr 200 milionë dollarë nga buxheti ushtarak i saj për Ukrainën. Në këtë buxhet, do të përfshihen mbulesat e shpenzimeve për produktet dhe shërbimin ushtarak të ukrainasve./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm