Rusia ka mohuar të ketë qëlluar në objektiva civile pas bombardimit të një spitali në Mariupol

12:01 | 10 Mars 2022
Fjolla Bajraktari

Rusia ka mohuar të ketë qëlluar në objektiva civile pas bombardimit të një spitali në Mariupol, por pretendon se Kremlini do të shqyrtojë incidentin.

Zëdhënësi i Kremlinit Dmitry Peskov, i kërkuar për koment menjëherë pas, i tha Reuters: “Forcat ruse nuk qëllojnë në objektiva civilë”.

Por të enjten ai tha se Kremlini do të shqyrtojë incidentin. “Ne patjetër do të pyesim ushtrinë tonë, sepse ju dhe unë nuk kemi informacion të qartë se çfarë ka ndodhur atje”, tha Peskov. “Dhe ushtria ka shumë të ngjarë të japë disa informacione.”

Megjithatë, zyrtarë të tjerë rusë e hodhën poshtë bombardimin si lajm të rremë. “Ky është terrorizëm informacioni,” tha zëdhënësja e Ministrisë së Jashtme Maria Zakharova, transmeton arbresh.info.

Ndërkohë, ministri i Jashtëm rus, Sergei Lavrov, pohoi sot se në spital prej kohësh nuk ka gra e fëmijë, por vetëm radikalë të armatosur./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm