Rusia dhe Kina po shqyrtojnë mundësinë e vendosjes së një reaktori bërthamor në Hënë ndërmjet viteve 2033 dhe 2035.
Ajo punë do të mundësonte ndërtimin e një vendbanimi hënor, shpjegon drejtori i agjencisë ruse të hapësirës “Roscosmos” Yuri Borisov.
Borisov, një ish-zëvendës ministër i mbrojtjes, deklaron se të dy vendet kanë punuar në zhvillimin e programit hënor për një kohë të gjatë dhe se Moska po kontribuon në “energjinë hapësinore bërthamore” me ekspertizën e saj.
“Ne po shqyrtojmë seriozisht projektin e dërgimit dhe instalimit të një reaktori energjetik në sipërfaqen e Hënës së bashku me kolegët tanë kinezë”, tha Borisov.
Aktualisht në Rusi janë aktive 11 termocentrale bërthamore, ndërsa në Kinë 55 reaktorë bërthamorë. Borisov shpjegon se panelet diellore nuk do të jenë në gjendje të prodhojnë energji elektrike të mjaftueshme për të furnizuar vendbanimet e ardhshme hënore, ndërsa energjia bërthamore mund.
Borisov konfirmon se Rusia po planifikon të ndërtojë një anije kozmike për transportin e mallrave, e cila do të jetë me energji bërthamore.
“Të gjitha çështjet teknike në lidhje me projektin janë zgjidhur, por ne ende nuk kemi një zgjidhje për problemin e ftohjes së reaktorit bërthamor”, shpjegon Borisov./abcnews.al
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...