Ka luftëra me armë zjarri dhe ka luftëra informacioni dhe vende që po luftojnë në të dy frontet. Por, ndërsa vërtetimi i faktEve është i vështirë si në çdo luftë tjetër, është e rëndësishme të kujtojmë se Rusia në mënyrë specifike ka një histori të gjatë gënjeshtrash dhe dezinformimesh.

Kjo u vërtetua me rrëzimin e MH17 dhe helmimet me Novichok, për të përmendur vetëm dy incidente të mëdha në dekadën e fundit. Edhe pushtimi i plotë i Ukrainës u nis me një gënjeshtër: pretendimi i rremë se një regjim “nazist” po i vinte rusishtfolësit në rrezik.

Kjo nuk do të thotë se çdo fjalë nga Ministria Ruse e Mbrojtjes dhe Kremlini nuk janë të vërteta ose nga deputetët dhe mediat shtetërore.Por shpesh janë të rreme,  kështu që duhet të kontrollohen me kujdes përpara se të përsërisin.

Kësaj radhe në agjencitë shtetërore ruse të lajmeve thanë se një avion  Il-76 ishte rrëzuar . Ata cituan Ministrinë e Mbrojtjes në Moskë të pretendonte se dhjetëra të burgosur ukrainas të luftës kishin qenë në bordin e avionit, për tu shkëmbyer me rusë

Kiiv nuk e konfirmoi këtë dhe nga Rusia nuk kishte asnjë provë. Një deputet rus, Andrei Kartapolov, tha se Ukraina mund të kishte përdorur një raketë Patriot për të goditur avionin Ilyushin.

Kjo do të nënkuptonte një armë të furnizuar nga Perëndimi, një pretendim i madh, pa ende asnjë provë për ta mbështetur atë. Ndërsa një bisedë e tillë u bë më e zhurmshme dhe u përhap në mbarë botën, Ukraina ende nuk bëri asnjë koment.

Në Kiev, filluam të dëgjojmë thashethemet se një shkëmbim të burgosurish ishte planifikuar për dje. Por askush në Kiev nuk e tha zyrtarisht. Por kjo nuk i ndaloi spekulimet nga Rusia, duke përfshirë pretendimet se Ukraina kishte vrarë ushtarët e saj me qëllim.

Por të hedhësh poshtë një pretendim të tillë nuk do të thotë të hedhësh poshtë mundësinë që Ukraina të ketë bërë një gabim të tmerrshëm. Në fund të fundit, ne e dimë se avioni u rrëzua dhe Ukraina ka kapacitetin për ta bërë këtë.

Më herët, Ukrainska Pravda citoi një burim të forcave të armatosura duke thënë se kjo ishte “puna e tyre” dhe se avioni mbante raketa ruse S300.

Një sukses, me fjalë të tjera.

Kjo u korrigjua më vonë, për të thënë se burimi nuk ishte vërtetuar. Më pas mbrëmjen e djeshme pati dy deklarata zyrtare.

Ato erdhën nga Shtabi i Përgjithshëm dhe nga Inteligjenca Ushtarake e Ukrainës, dhe së bashku nënkuptojnë se Ukraina mund të ketë rrëzuar avionin, megjithëse asnjëri nuk e tha këtë drejtpërdrejt.

Ukraina thekson se nuk ka informacion të besueshëm se kush ishte në bord. Por konfirmoi se një shkëmbim i të burgosurve ishte planifikuar për të mërkurën dhe nuk ndodhi.

Sipas burimit gjithashtu Rusia zakonisht jep informacion mbi rrugën dhe transportin që do të përdoret për një shkëmbim, për t’u siguruar që është i sigurt.

Këtë herë, thotë Ukraina, nuk kishte asgjë nga këto. Rusia ka shtuar sulmet me raketa nga Belgorod kohët e fundit, veçanërisht në Kharkiv ku ka vrarë dhe plagosur dhjetëra civilë.

Nuk mund të jemi ende të sigurt se kush ose çfarë ishte në avionin që u rrëzua. Nëse në bordin e avionit  kishte ushtarë ukrainas, atëherë Rusia përfundimisht do të duhet të sigurojë provat.

Dhe Ukraina do të duhet të japë përgjigje më të plota. Sepse ka mijëra familje anembanë këtij vendi, të cilët kanë të afërm ushtarë në Rusi si robër lufte, të cilët tani presin  dhe janë të shqetësuar./abcnews.al