Rusi, protesta kundër ndërtimit të një katedraleje

22:51 | 13 Maj 2019
Trina Galanxhi

Qindra demonstrues që janë kundër planeve për ndërtimin e një katedraleje në një park. Protestat po ndodhin në qytetin e katërt më të madh të Rusisë, Yekaterinburg, shkruan agjencia e lajmeve Fox.  

Disa prej protestuesve kanë prishur barrierat që janë vënë për të mbrojtur vendin e ndërtimit. Policia është munduar të mbajë larg protestuesit.

Disa protestues kanë vënë tenda në mënyrë që të qëndrojnë aty tërë kohën. Nuk është e qartë nëse kishte lëndime apo arrestime gjatë protestave.

Kundërshtuesit thonë që ndërtimi i katedrales do privojë qytetarët nga hapësira e gjelbërt dhe rekreative.

Yekaterinburgu ndodhet diku 1400km në lindje të Moskës, dhe ka një popullatë rreth 1 milionë e 500 mijë banorë./observer/

Shpërndaje në rrjete sociale

Lajmet më të lexuara

Të ngjashme

Foto lajm