Google ADS

Rusët protestojnë kundër ndalimit të Telegramit

22:26 | 1 Maj 2018
Arbresh.info

Mijëra njerëz dolën të martën në rrugët e Moskës dhe të Shën Petersburgut për të protestuar kundër përpjekjeve të qeverisë për të kufizuar lirinë në internet, ndërsa mbi 100,000 rusë të tjerë morën pjesë në paradën tradicionale të Një Majit.

Federata e Sindikatave të Moskës tha se rreth 120,000 njerëz marshuan nga Sheshi i Kuq në rrugët kryesore të kryeqytetit, për të shënuar Ditën Ndërkombëtare të Punëtorëve.

Parada e Ditës së Majit është bërë një shfaqje e orkestruar e pushtetit nga autoritetet ruse, në vitet e fundit, dhe nga demonstruesit që refuzojnë të kritikojnë qeverinë.

Por, qytetarët protestuan të martën edhe kundër ndalesës që i ka vënë qeveria aplikacionit popullor të mesazheve Telegram, përcjell REL.

Protesta u organizua nga Partia Liberale e Rusisë, e cila tha se bllokimi i Telegramit është “turp kombëtar”.

Shpërndaje në rrjete sociale

Lajmet më të lexuara

Të ngjashme

Foto lajm