Rrufeja vret nënën e dy fëmijëve në plazh në Kolumbi

10:49 | 16 Nëntor 2023
A Z

Një nënë e dy fëmijëve është vrarë nga një goditje rrufeje gjatë një udhëtimi familjar në një plazh në Kolumbi.

Froilanis Maireth Rivas Roman u godit nga rrufeja përpara se të rrëzohej në shpinë ndërsa pushuesit filmuan momentin e tmerrshëm në telefonat e tyre.

Pamjet tregojnë një varg të gjatë rrufeje që erdhi nga qielli, duke goditur turisten.

Sipas autoriteteve, ajo vdiq nga arresti kardio-respirator pasi u godit nga rrufeja ditën e djeshme, shkruan Dailymail.

Ajo ishte duke vizituar plazhin Boquilla në Cartagena, Kolumbi, me anëtarët e familjes të cilët kishin mbërritur në qytetin bregdetar më herët atë ditë.

Sipas Qendrave për Kontrollin dhe Parandalimin e Sëmundjeve, gjasat për t’u goditur nga rrufeja në një vit të caktuar janë një në një milion, megjithatë gati 90 për qind e viktimave mbijetojnë.

Ka një numër të lartë vdekjesh të shkaktuara nga rrufetë në Kolumbi për shkak të kushteve gjeografike të saj.

Shpërndaje në rrjete sociale

Lajmet më të lexuara

Të ngjashme

Foto lajm