Google ADS

Rriten tensionet mes dy vendeve, Brazili vendos trupa në kufirin me Venezuelën

13:52 | 7 Dhjetor 2023
K.B

Brazili po vendos trupa përgjatë kufirit të tij me Venezuelën pasi Karakasi njoftoi planet për të aneksuar rajonin e pasur me naftë Essequibo të kontrolluar nga Guajana.

Ushtria braziliane njoftoi se po rrit praninë e saj në rajon si pjesë e një përpjekjeje për të “garantuar paprekshmërinë e territorit”.

Venezuela ka rinovuar pretendimet e saj ndaj rajonit Essequibo, i cili është diskutuar që nga shekulli i 19-të kur Guajana ishte një koloni britanike, pasi rezervat e naftës dhe gazit u zbuluan në shtratin e detit disa vjet më parë.

Tensionet midis dy vendeve janë rritur që nga një referendum në Venezuelë të mbajtur të dielën, në të cilin më shumë se 95 për qind e votuesve mbështetën pretendimin e qeverisë për Essequibo.

Pas referendumit, udhëheqësi venezuelian Nicolas Maduro i kërkoi kompanisë shtetërore të naftës të lëshonte leje për shfrytëzim në Guajana dhe propozoi që Asambleja Kombëtare të miratonte një ligj që do ta bënte zonën pjesë të Venezuelës./euronews

Shpërndaje në rrjete sociale

Lajmet më të lexuara

Të ngjashme

Foto lajm