Një çiklist i cili rrëzoi një vajzë pesë vjeçare në dëborë është urdhëruar të paguajë vetëm 1 euro si kompensim për dëmin e bërë.

Pamjet e incidentit, të cilat u shpërndanë në internet vitin e kaluar, treguan vajzën e vogël duke ecur me një grua në një park natyror në Baraque Michel, Belgjikë, kur një çiklist duke hipur në malore e rrëzoi atë, transmeton portali arbresh.info

Një gjykatë në qytetin e Verviers vendosi sot se burri ishte fajtor për rrëzimin e qëllimshëm të vajzës dhe i dha atij një dënim me kusht me arsyetimin se ai tashmë ishte kritikuar mjaft në mediat sociale.

Babai Patrick Mpasa kishte filmuar gruan dhe vajzën e tij duke ecur në park në Ditën e Krishtlindjes kur çiklisti e rrëzoi atë.

Pamjet më pas u postuan në mediat sociale dhe përdoruesit e mediave sociale theksuan se ai duhet të dënohej.

Në atë kohë shoqata lokale e çiklizmit GRACQ e quajti sjelljen e burrit si “të papranueshme”.

Gjykatësi tha se burri nuk e kishte ndërmend që të lëndonte vajzën, dhe se e tërë ngjarja ishte një incident i vogël.

Gjykatësi shtoi se burri, i cili nuk u emërua, kishte kaluar kohë në paraburgim kur u arrestua.

Çiklisti u urdhërua të paguajë familjen e vajzës vetëm 1 euro si kompensim për incidentin.

Në një seancë të hershme gjyqësore më 3 shkurt, çiklisti pretendoi se ngjarja ndodhi sepse ai ishte përpjekur të mbante ekuilibrin e tij./arbresh.info/

https://twitter.com/TheSun/status/1367902731793539084