Sekretari amerikan i Shtetit, Anthony Blinken, ka mbërritur në Arabinë Saudite.
Kjo është ndalesa e pesë në një turne që ka nisur në gjashtë vende arabe ndërsa përpiqet të parandalojë përhapjen e konfliktit midis Hamasit dhe Izraelit në rajon.
Blinken dëshiron që shtetet arabe të dënojnë qartë Hamasin.
Por ndërsa mbërriti në Riad, ministria e jashtme saudite lëshoi kritikën e saj më të fortë ndaj Izraelit deri më tani, duke dënuar atë që e quajti shënjestrimin e civilëve të pambrojtur. Sauditët kanë qenë në bisedime prej disa kohësh për të normalizuar lidhjet me Izraelin, por kjo me sa duket është pezulluar tani.
Ata rifilluan marrëdhëniet me Iranin në fillim të vitit dhe princi i kurorës saudit pati një telefonatë me presidentin e Iranit këtë javë.
Sekretari amerikan i Shtetit do të vizitojë gjithashtu Egjiptin, i cili ndan një kufi me Gazën. Atje ai do të diskutojë përpjekjet për të ngritur një korridor për ndihmë humanitare dhe për të krijuar zona të sigurta për civilët brenda Gazës./abcnews.al
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...