Presidenti i Iranit, Hassan Rouhani, ka deklaruar se rruga për bisedime me SHBA-të nuk është e mbyllur, transmeton Anadolu Agency (AA).
Rouhani pas takimit të Këshillit të Ministrave në Teheran lidhur me negociatat me Uashingtonin tha se SHBA-të pretendojnë të jenë armiku i sistemit në Iran, por me sanksionet ata kanë hapur luftë kundër popullit.
“Me këto sanksione ata kanë treguar fytyrën e vërtetë. Po ashtu kohët e fundit janë rritur edhe deklaratat e tyre të paqëndrueshme. Qëndrimi i papërkulur i popullit të Iranit i detyron ata që të bëjnë deklarata kontradiktore”, thekson Rouhani.
“Për ne kriter nuk janë fjalët e tyre por punët. Rruga jonë për bisedime nuk është e mbyllur për ata nëse lënë mënjanë sanksionet kundër popullit të Iranit, nëse u përmbahen premtimeve dhe nëse rikthehen në bisedimet që ata i përmbysën duke i braktisur”, tha Rouhani në lidhje me diskutimet për ri-bisedimet me SHBA-të.
Duke i bërë thirrje Qeverisë së SHBA-ve, Rouhani theksoi se, “Populli i Iranit do t’i hapë sërish dyert për ju nëse paraqisni një praktikë të ndryshme, nëse lini mënjanë persekutimin dhe i ktheheni drejtësisë dhe ligjeve. Hapja e dyerve është në dorën tuaj. Duhet ta tregoni me vepra që nuk dëshironi të vazhdoni politikat tuaja të mëparshme”.
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...