Roja i sigurisë i vë zjarrin një qendre për fëmijë, 4 të vdekur

21:23 | 5 Tetor 2017
Trina Galanxhi

Të paktën katër fëmijë dhe një mësuese janë vrarë në Brazil, pasi një roje e sigurisë i ka vënë zjarrin një qendre të kujdesit të fëmijë.

Sipas policisë ushtarake, sulmuesi i ka vendosur flakën edhe vetes, transmeton portali arbresh.info

Besohet se rreth 40 persona janë dërguar në spital për të marrë trajtim mjeksor, ndërsa të paktën 25 vetë, kryesisht fëmijë të moshës katër dhe pesë vjeç, po trajtohen për djegie.

Disa nga pacientët janë transportuar në një njësi të specializuar të djegieve në kryeqytetin e shtetit, Belo Horizonte.

Rojet e sigurisë janë identifikuar nga policia si Damiao Soares dos Santos, 50 vjeç. Ai vdiq në spital të plagëve të tij.

Shkaqet e sulmit ende nuk janë bërë të njohura./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm