Një studim i bërë mes viteve 2012 dhe 2014 thotë se mesatarisht, 5790 fëmijë në Shtetet e Bashkuara të Amerikës pranojnë çdo vit trajtim mjekësor në dhomat e emergjencës pas lëndimeve me armë zjarri.
Ndërkohë, rreth 21 për qind të këtyre rasteve janë të paqëllimshme, transmeton arbresh.info.
Studimi thotë se nga viti 2012 deri në vitin 2014, 1297 fëmijë kanë vdekur nga lëndimet që kanë pësuar nga shkrepja e armëve të zjarrit.
Hulumtuesit e gazetës “Pediatrics” kanë gjetur se sa u përket vdekjeve, 53 për qind e tyre janë vrasje, 38 për qind janë vetëvrasje, 6 për qind ishin të paqëllimshme dhe 3 për qind janë të lidhura me vendosjen e ligjit ose të papërcaktuara.
Ndërkaq, sa u përket plagosjeve, 71 për qind ishin sulme, 21 për qind ishin të paqëllimshme, 5 për qind ishin të lidhura me vendosjen e ligjit ose të papërcaktuara dhe rreth 3 për qind ishin vetë-lëndime.
Në Amerikë janë shënuar shumë raste kur fëmijë dhe adoleshentë kanë vrarë qëllimisht ose joqëllimisht fëmijë të tjerë siç është rasti i një 9 vjeçari i cili ka qëlluar për vdekje vëllain e tij 6 vjeçar derisa po luante me armë./Arbresh.info.
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...
Një i moshuar vdes në një kafiteri në Obiliq, policia nis he...