Google ADS

Rimëkëmbet lira turke, Erdogan thotë se është ndëshkim për spekulatorët

12:46 | 26 Mars 2019
A. B.

Lira turke ka nisur rikuperimin pas humbjeve të javës së kaluar, më të thellat që prej vitit të kaluar. Banka qendrore është zotuar të mbajë stabilitetin e çmimeve, duke grumbulluar rezerva.

Ndërkohë autoritetet kanë nisur zyrtarisht hetimet ndaj bankave për të vlerësuar nëse kanë ndikuar në zhvlerësimin e lirës turke. E gjitha kjo ndodh vetëm pak ditë para zgjedhjeve vendore të 31 Marsit.

Investitorët vendas grumbulluar rreth 25 miliardë dollarë në valutë të huaj, si një garanci për t’u përballur me rreziqet e inflacionit dhe pasiguritë politike pas votës së kësaj jave.

Presidenti Erdogan paralajmëroi bankierët se do të mbahen përgjegjës për spekulimin ndaj monedhës kombëtare dhe se do të ndëshkohen pasi do të ketë një çmim të lartë ndaj veprimeve provokative.

Lira nisi të tregtohet këtë javë 2.5% më e fortë ndaj dollarit, megjithëse luhatshmëria mbetet shqetësuese.

Shpërndaje në rrjete sociale

Lajmet më të lexuara

Të ngjashme

Foto lajm