Numri i të vdekurve nga dy rrëshqitje të dheut në Etiopinë jugore ka shkuar në 229, tha një zyrtar lokal në zonën e largët Gofa, ndërsa kërkimet për të mbijetuarit po vazhdojnë në ditën e dytë.
Rrëshqitjet e dheut ndodhën mbrëmjen e së dielës dhe mëngjesin e së hënës në një rajon të largët malor pas shirave të dendur.
“Nga informacionet e deritanishme rezulton se në këtë fatkeqësi kanë humbur jetën 148 meshkuj dhe 81 femra, ose gjithsej 229 persona”, thuhet në njoftim.
Pesë persona ishin nxjerrë të gjallë nga balta dhe po marrin trajtim në objektet mjekësore, raportoi më parë Korporata Etiopiane e Transmetimeve në pronësi të qeverisë.
Etiopia, vendi i dytë më i populluar në Afrikë me rreth 120 milionë njerëz, është shumë i prekshëm nga fatkeqësitë klimatike, duke përfshirë përmbytjet dhe thatësirën. Rrëshqitjet e dheut janë të zakonshme në Etiopi gjatë sezonit të shirave, i cili filloi në korrik të këtij viti dhe pritet të zgjasë deri në mes të shtatorit./abcnews.al
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?