Për herë të parë që nga fillimi i pandemisë së virusit korona në Itali, numri i të kuruarve ka tejkaluar numrin e të infektuarve. Megjithëse numri i të vdekurve është ende i lartë, 369 në 24 orët e fundit.

Në lajmët ditorë në Itali, koronavirusin e ka zëvendësuar një tjetër temë e nxehtë, rritja e vetvrasjeve pas rënies ekonomike, transmeton portal arbresh.info

Sipas njoftimeve të mediave, pronari i kompanisë nga Napoli, 57-vjeçari Antonio Nagara, tashmë ka dëshmuar se është e pamundur të vazhdojë prodhimin pas disa muaj bllokadash. Përballë faktit që ai nuk mund të paguante furnizuesit ose të paguante punonjësit, ai bëri vetëvrasje dje, transmeton portal arbresh.info

Kanë kaluar dy ditë nga heqja e masave të caktuara kufizuese, dhe kjo vetëvrasje nga Napoli nuk është e vetmja që raportuan mediat italiane në dy ditët e kaluara.

Atmosfera aktuale në vend është ndoshta e përshkruar më së miri në tekstin për Correr della Sera nga shkrimtari i njohur Claudio Magris.

“Më e keqja ende nuk ka ardhur. Ne nuk do të kemi më frikë nga vdekja për shkak të Covid-19, por do të pyesim veten nëse ia dalim të mbijetojmë”, shkroi ai.

Qeveria e kryeministrit Giuseppe Conte planifikon të hap baret dhe restorantet në 1 qershor, datë e cila ngjan e largët për shumë pronarë, të cilët tashmë janë të shqetësuar për mbijetesën e bizneve të tyre.

Dje, pronarët e ambienteve të hotelierisë protestuan në sheshin kryesor në Milano, duke marrë në mënyrë simbolike një karrige nga restorantet e tyre dhe qëndruan të ulur mbi to, por pavarësisht respektimit të rregullave, mbajtjes së maskave dhe distancës, ata sërish u gjobitën me 400 euro.

Vlerësohet se ka rreth 7,000 bare dhe restorante në Milano pritet të mbyllen për shkak të Covid-19.

Mediat raportojnë gjithashtu se Kryeministri Giuseppe Conte po përballet me kritika të shumta për planin e tij për tu hapur, madje edhe nga mazhoranca.

Italia vazhdon të mbetet një ndër vendet më të prekura me Covid-19 në Europë./arbresh.info/