Komisioneri i Lartë i Kombeve të Bashkuara për Refugjatët, Fillipo Grandi nxiti Hungarinë të heqë dorë nga refuzimi i sistemit me kuota për pranimin e refugjatëve.
Gjatë një vizite në Budapest, Grandi vlerësoi skemën e Bashkimit Europian për të pranuar një kuotë të caktuar të emigrantëve, duke thënë se ky është një model që duhet ndjekur nga mbarë bota. Sipas Grandit, fenomeni i zhvendosjes është global dhe si i tillë duhet adresuar përmes zgjidhjeve globale dhe solidaritetit.
Kryeministri hungarez Viktor Orban përballet me kritika për shkak të refuzimit të vazhdueshëm për të ndryshuar qasjen anti-emigracionit, pavarësisht vendimit të gjykatës më të lartë të Bashkimit Europian për të mbështetur sistemin me kuota të bllokut.
Sipas Orban, emigrantët, shumica e të cilëve janë muslimanë nga Lindja e Mesme apo Afrika e Veriut, janë një kërcënim për identitetin historik të krishterë të Europës si dhe një kal i Trojës për terrorizmin.
Komisioneri Grandi foli gjithashtu edhe për kushtet e azileve në kufinjtë e Hungarisë. Ai tha se emigrantët që mbahen atje nuk keqtrajtohen, por kufizimi në lëvizje, ndërkohë që shqyrtohen kërkesat e tyre për azil, është problemi i vërtetë.
Edhe Gjermania ka nxitur Hungarinë të implementojë vendimin e gjykatës së Bashkimit Europian. Nën politikat e kancelares Angela Merkel, vendi pranoi 1 milionë emigrantë që hynë në BE gjatë pikut të krizës së refugjatëve.
Rama: Shkodra plot me turistë në këto ditë tetori
Kurti u takua me ministrin për Evropë të Francës, Benjamin H...
Përplasja e deputetëve të opozitës me policinë, Hoxha: Efekt...
Osmani udhëton në Amerikë, folëse kryesore në Samitin Ndërko...
Raportohet se Koreja e Veriut ia ka dërguar mijëra ushtarë R...
Gjendet turistja bullgare e cila kishte humbur në shtegun e ...