Google ADS

Rastet me COVID-19 në Afrikë tejkalojnë shifrën 720 mijë

21:46 | 20 Korrik 2020
Arbresh.info

Së paku 15.155 pacientë kanë vdekur në 54 vende të kontinentit, njoftuan autoritetet më tej, duke shtuar se 382.857 pacientë janë shëruar deri më tani.

Numri i përgjithshëm i rasteve të koronavirusit të ri (COVID-19) në Afrikë ka arritur në 720.622, njoftuan Qendrat e Afrikës për Kontrollin dhe Parandalimin e Sëmundjeve.

Së paku 15.155 pacientë kanë vdekur në 54 vende të kontinentit, njoftuan autoritetet më tej, duke shtuar se 382.857 pacientë janë shëruar deri më tani.

Afrika Jugore deri më tani ka regjistruar 377.900 raste, Afrika Veriore 137.200, Afrika Perëndimore 107.700, Afrika Lindore 54.700 dhe Afrika Qendrore 43.100.

Lidhur me numrin e vdekjeve, Afrika Veriore ka regjistruar 5.900 viktima, Afrika Jugore 5.300, Afrika Perëndimore 1.700, Afrika Lindore 1.400 dhe Afrika Qendrore 858.

Që nga shfaqja e parë në Kinë dhjetorin e kaluar, COVID-19 është përhapur në mbarë botën. SHBA, Brazili, India dhe Rusia aktualisht janë vendet më të prekura në botë.

Shpërndaje në rrjete sociale

Lajmet më të lexuara

Të ngjashme

Foto lajm