Google ADS

Rastësisht blejnë veturën në të cilën u vra reperi i famshëm (FOTO)

18:44 | 18 Mars 2017
M. A.

Kur e kishin blerë një veturë nuk kishin pasur idenë se në të ishte vrarë reperi i famshëm, por as idenë se pas 20 vjetësh mund të fitojnë miliona.

Një çift i paidentifikuar kishte blerë në vitin 1997 veturën GMC Suburban në një ankand publik dhe që nga ajo kohë e kishin përdorë si veturë familjare. Madje, kishin kaluar mbi 183.000 km duke mos ditur se në këtë automjet më 9 mars 1997 në Los Anxhelos ishte vrarë reperi i njohur Notorious B.I.G.

Për lajmin e vdekjes mësuan tetë vjet pas blerjes së veturës, kur një detektiv ua shpalosi historinë e automobilit. Dera origjinale e bashkëvozitësit ishte hequr nga policia gjatë hetimeve dhe e shfrytëzoi si fakt material. Fakti i vetëm në veturë i cili përkujton në ngjarjen tragjike ishte vrima e plumbit në rripin e sigurisë, transmeton KosovaPress.

Automjeti aktualisht ndodhet në “target” të kompanisë “MomentsInTime”, e cila kohë më parë shiti BMW në të cilën ishte vrarë këngëtari Tupac Shaku. Çmimi është 1.5 milion dollarë.

gmcnotoious625

Shpërndaje në rrjete sociale

Lajmet më të lexuara

Të ngjashme

Foto lajm