Raketa e Koresë së Veriut niset drejt Rusisë

11:51 | 3 Maj 2017
Arbresh.info

Raketa e dështuar e Koresë së Veriut ishte nisur drejt Rusisë para se të shpërthente në ajër.

Zyrtarë amerikanë kanë thënë që raketa balistike e rrezes së mesme është hedhur nga një rajon verior i Phenianit dhe është shpërbërë minuta pas nisjes, transmeton portali arbresh.info.

Raketa dukej të ishte një KN-17, që shpërtheu dhe ra në Detin e Japonisë dhe nuk u largua nga territori i Koresë së Veriut.

Seul Economic Daily raporton se raketa udhëtoi 48 kilometra përpara se zyrtarët ta shpërthenin nga frika se ishte qëlluar në drejtim të Rusisë.

Kryetari i Komitetit të Mbrojtjes dhe Sigurisë së Rusisë, Viktor Ozerov, tha se mbrojtja e ajrit në territoret e saj lindore ishte vënë në gatishmëri të lartë.

Shtëpia e Bardhë tha se kanë folur përmes telefonit me rusët dhe për mënyrën më të mirë për zgjidhjen e situatës “shumë të rrezikshme” me Veriun./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm