Raketa e fundit e Koresë Veriore është lloj i ri dhe ka fuqi të arrijë kudo në SHBA

20:38 | 29 Nëntor 2017
Trina Galanxhi

Koreja Veriore ka pohuar se raketa e fundit që u testua gjatë ditës së djeshme është një lloj i ri i raketave balistike ndërkontinentale, Hwasong 15, e cila mund të godasë në të gjithë territorin e Shteteve të Bashkuara të Amerikës.

Njoftimi është bërë nga televizioni shtetëror i Koresë Veriore.

Deklarata e Phenianit thekson se Veriu ka një forcë të plotë bërthamore.

“Udhëheqësi i Koresë së Veriut, Kim Jong-un ka njoftuar vendin se tanimë ai ka realizuar një hap të madh historik mbi kompletimin e armëve bërthamore”, citon Yonhap, transmeton portali arbresh.info

Raketa e testuar së fundmi ka përfunduar në ujrat e Japonisë dhe ka fluturuar për më shumë se 50 minuta.

Presidenti amerikan Donald Trump ka reaguar duke thënë se “Koreja Veriore është një çështje që do të trajtohet”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm