Qeveria e Zvicrës ka njoftuar se nuk do të ndryshojë politikën e saj të gjatë që ndalon transferimin e armëve të prodhimit zviceran në një vend të tretë, pavarësisht presionit në rritje nga vendet evropiane për t’i eksportuar ato në Ukrainë.
Thirrjet që Zvicra të thyejë traditën shekullore si një shtet neutral janë rritur si brenda ashtu edhe jashtë që kur Rusia pushtoi Ukrainën më shumë se një vit më parë, shkruan Reuters.
Në janar, dy komisione parlamentare rekomanduan lehtësimin e rregullave.
Megjithatë, kabineti qeveritar e refuzoi thirrjen pas një takimi.
“Këshilli Federal është i përkushtuar ndaj vlerave të neutralitetit zviceran dhe do të vazhdojë të punojë për të siguruar që përfitimet e neutralitetit të realizohen”, thuhet në një deklaratë. Megjithatë, ajo tha se do të vazhdojë të monitorojë debatet dhe të bëjë një deklaratë të mëtejshme “nëse është e nevojshme”.
Që nga fillimi i luftës, Zvicra ka marrë kërkesa nga Gjermania, Danimarka dhe Spanja për rieksportin e materialit luftarak zviceran në Ukrainë, por të gjitha këto kërkesa u refuzuan.
Megjithatë, ajo ka miratuar sanksionet e Bashkimit Evropian dhe ka bërë thirrje vazhdimisht për tërheqjen e trupave ruse nga Ukraina.
Tërmet me magnitudë 5.8 në Indonezi
MINT organizon konferencë për Ditën Botërore të Standardeve,...
Zgjedhjet presidenciale në Moldavi, drejt balotazhit
Prezantohet sot raporti final për barazinë gjinore 2020-2024...
Horoskopi ditor, parashikimi i yjeve për shenjën tuaj
Tjetër shpërthim në Libanin jugor, Izraeli zotohet të godas ...