Qetësohet situata në kufi, Franca lejon kalimin e kamionëve nga Britania e Madhe

18:02 | 23 Dhjetor 2020
L G

Kamionët e parë kanë filluar të largohen nga një park i përkohshëm kamionësh në Kent pasi Franca hapi përsëri kufirin me Mbretërinë e Bashkuar.

Rreth 3,800 kamionë kanë ngecur në fushën ajrore Manston pasi Franca mbylli kufirin me Mbretërinë e Bashkuar të dielën për shkak të shqetësimit për një variant të virusit që përhapet shpejt, raporton bbc.

Të mërkurën, Franca përfundoi ndalimin e kalimit të kamionëve, por shoferët duhet të dëshmojnë një test negativ për coronavirus, transmeton Telegrafi.

Shoferët janë përplasur me policinë në portin e Dover ndërsa prisnin për prova dhe një rezultat negativ.

Sekretari i Transportit, Grant Shapps paralajmëroi se kishte “vonesa të mëdha” dhe u bëri thirrje njerëzve të shmangin udhëtimet në Kent.

Ndryshe, rreth 50 vende vendosën një ndalim pasi Mbretëria e Bashkuar paralajmëroi për një variant të ri, me përhapje të shpejtë të coronavirusit.

Shpërndaje në rrjete sociale

Lajmet më të lexuara

Të ngjashme

Foto lajm