Google ADS

Putini: Përplasja me forcat anti-ruse e pashmangshme, ushtria jonë po përdor armët më moderne

11:43 | 12 Prill 2022
Fjolla Bajraktari

Presidenti rus Vladimir Putin tha sot se forcat ruse që po kryejnë fushatën ushtarake të Moskës në Ukrainë po veprojnë me guxim dhe efektivitet, duke përdorur armët më moderne, raporton agjencia e lajmeve TASS.

Putini tha se përplasja me forcat anti-ruse, duke nënkuptuar ushtrinë ukrainase ishte çështje kohe dhe e pashmangshme.

Putini tha se operacioni ushtarak në Ukrainë do të arrijë objektivat që, presidenti rus i cilëson “fisnike”.

Sipas medieve ruse Putini ka thënë se nuk planifikon të izolojë Rusinë nga pjesa tjetër e botës dhe se forcat ruse që kryejnë fushatën ushtarake të Moskës në Ukrainë po vepronin me guxim dhe efikasitet.

Ai tha se Rusia nuk mund të tolerojë më gjenocidin që po kryhet mbi popullin rusishtfolës në rajonin e Donbasit./ABCNEWS.AL/

Shpërndaje në rrjete sociale

Lajmet më të lexuara

Të ngjashme

Foto lajm