Putini me plan për prodhimin e dronëve

10:50 | 25 Prill 2023
A. B.

Rusisë i duhen rreth 6.1 miliardë dollarë për zhvillimin e një projekti të shpallur nga Presidenti Vladimir Putin në shkurt, raportoi gazeta ruse e lajmeve RBC të hënën.

Sipas Reuters, ky projekt përbën zhvillimin e avionëve pa pilot, ku sipas mediave strategjia për zhvillimin e avionëve pa pilot për periudhën deri në vitin 2030 duhet të miratohet deri më 1 qershor dhe të përfshijë detaje mbi prodhimin dhe financimin.

“Sasia e financimit dhe proporcionet e saj korresponduese do të kërkojnë një pozicion të koordinuar të të gjitha departamenteve – çdo shifër tani është spekulative,” citoi një burim i paidentifikuar. Në shkurt, Putin tha se Rusia duhet të rrisë prodhimin e saj të dronëve dhe të krijojë infrastrukturë për përdorimin e tyre të gjerë.

Derisa Rusia prodhon tashmë një numër dronësh, Moska ka përdorur kryesisht dronët “Shahed” të prodhuar nga Irani në sulmet e saj në Ukrainë.

Shpërndaje në rrjete sociale

Lajmet më të lexuara

Të ngjashme

Foto lajm