Presidenti rus, Vladimir Putin ka deklaruar se Europa është përgjegjëse për krizën e gazit, sepse nuk kishte lidhur kontrata afatgjata të furnizimit me gaz me Moskën, duke shkaktuar një kërcim rekord të çmimeve.

“Politika e tyre konsistonte në tërheqjen nga kontratat afatgjata dhe rezultoi e gabuar,” tha Putin gjatë një takimi me zyrtarët e sektorit energjetik rus, transmeton portal arbresh.info

“Si rezultat, çmimi i gazit ka thyer të gjitha rekordet historike dhe sot po i afrohet 2,000 dollarëve për metër kub, ose dhjetë herë më shumë se çmimi mesatar i vitit të kaluar,” shtoi presidenti rus.

Europa, nevojat e treta të së cilës për gaz mbulohen nga Moska, ka thënë prej vitesh se dëshiron të ketë burime të ndryshme furnizimi për këtë burim të rëndësishëm energjie, por pa asnjë efekt.

Putin tha se europianët filluan të mbështeten më shumë në blerjen e gazit në vend sesa në blerjet afatgjata, të cilat do t’i lidhnin me Moskën për disa vjet. Sot nuk ka më blerje me para në dorë.

Në tregjet europiane çmimet e gazit thyen rekorde të reja dhe u rritën 25 përqind, ndërsa përpara dimrit kërkesa për gaz nuk ka të ndalur.

Analistët kanë paralajmëruar se, duke pasur parasysh që rezervat në magazine europiane janë në nivele historikisht të ulëta në këtë kohë të vitit, shumica e gazit të lëngshëm natyror (LNG) nga vendet eksportuese shkon në Azi, dhe Rusia dozon eksportet përmes tubacioneve, ekziston një shqetësim i vërtetë që Europa mund të përballet me mungesë të gazit gjatë tremujorit të fundit të vitit.

Operatori i tubacionit, Nord Stream 2 AG, njoftoi të hënën se mbushja e gazsjellësit ka filluar.

Megjithëse Nord Stream 2 AG nuk ka shpallur datën kur tubacioni do të vihet në funksion, ekspertët besojnë se dërgesat mund të fillojnë më vonë në tetor. Gjiganti rus i energjisë Gazprom ka njoftuar planet për të lëshuar 5.6 miliardë metra kub gaz përmes Nord Stream 2 vetëm këtë vit./arbresh.info/